tg-me.com/humnajaalalaa/602
Last Update:
KUTAA 2️⃣2️⃣ffaa
ASOOSAMA GABAABAA
ONNEE DHUGAA
.....gara kutaa Olaanatti qajeele.
Yoona harmeen Olaanaa aaddee Faayen duukaa baatee "eessa deema jetteeti ykn mana fincaanii
deema ta'aa" jettee abbaa Olaanaa oldeebifte gara sirbaatti. Olaanaa fi Biliseen garuu siree
Olaanarraatti akkuma qaama tokkootti walitti baqaniiru. Erga jaalala hojjataniin booda,Olaanan
Bilisee laphesarratti olbaafatee harkasaa lamaanin mormashee hammate.
Biliseen erga haara
galfatteen booda hammannaa Olaanaa keessaa baatee, fuulasaa harkashee alangaa sanaan
shushukkuumaa "Oliikoo kan ammanuma na faana turtuuf maalif waanan dur hin beekne na
jalqabsiifte,of duraa si dhabee kan bariite akkamiin naaf dhiiti, atihoo ni dandeessaa itoo na hin
argin ooltee buluu?" jettee yaaddoo inni itti jiru ittuu itti cimsite.
"Bilookoo jiruu addunyaatu
kana qabaa maal goonu,silaa akka hawwii kiyyaatii guyyaa tokkollee ijakee otoon ija kootin hin
ilaalin gaafan oolu nattin tolu, homaa miti hunduu dabree gaafa akka garaa keenyaa halkaniif
guyyaa akka daawwitiitti wal daawwachaa oolus nii dhufa ta'a isaaf rabbiin kadhachuudha,
guyyaa san anis atis obsa godhannee abdiin eeguu qabna amanamummaadhan, haala kamuu
keessa taatee nan hirraanfatin waan addaan bahuu keenyaaf sababa ta'uuf karaa hin saaqin hololli
fedhees sitti odeeffamu marii lameen keenyaa malee kophaa kee murtee tokkooyyuu hin
fudhatin,dhugaa malee jaalala dhugaa waliif qabnu dhabnaatii,ni beekta kanan si filadhee si
faana jiraachuuf murteessee dorgommii keessaa si galcheen miti,ati anaaf dorgomtuu hin qabdu,
eenyumtuu haalli kamuu narraa sin jijjiiru, gargar baatii keenyas yoo kara kee dhuftee fi yoon
lubbuu hin jirre qofa ta'a onnee guutun na amani, fknaf quba kee shanaan keessaa isa tokko
fudhadhu,yoo ati kuttee gatte male ofiin sin barbaadu jedhee sirraan godaanu anas akkasiin na
ilaali" jedhee alii alii galaana yaadaa ishee nyaachisaa,altokko tokko ammoo onneenshee akka
guutumatti isa amantu taasisaa fuula ishee imimmaan dhiqsiise.
"waaqni yoo na jaalate si nan
dhabsiisin hamtuu kee na dhageessisuun dura ana hamtuuf yaa laatu tokkichakoo" jettiin fuula
isaa lapheesheerratti hammattee rifeensa mataasaa qubashee keessa loosaa boquu ishee irratti
dabsitee, Olaananis yoona isa harmeen saa gaafa inni ijoollummaa boo'ee akkasiin sossobdu
yaadate.
Olaanaan barnoota semester 1ffaa fixeetii boqonnaaf gara maatitti deebi'eera. Silaa akka yaadetti
Bilisee ji'oota shanii oliif yaaddoon waxalamaafii ture sanatti marmee dhungoon habbooquu ture
garuu gaafa mana gahu Biliseen hin jirtu. Abbaan Olaanaa obbo Baalchaa Diinagdee erga walitti
dhufeenya Olaanaa fi Bilisee hojjattuu mana isaanii Qanoorraa bareen booda baay'ee Olaanatti
gaddeetin gad-aantummaa guddaan itti dhagahameetin Bilisee manaa hari'ateera,sababa sanaan
aaddee Faayedhaanis walitti mufachuun isaanii hin oolle. Ta'us garuu Biliseen gara warra ishee
kutteerti jireenya ishee ganamaa sanatti deebiteerti wanti waggoota 5f dabarsite hundi abjuu
halkan tokkoo itti fakkaachaa jira.
"ilman iddoo meeqatti eegu ati dubartii mana bunaatin naa hawwitee" jedheen obbo Baalchan
aaddee Faayedhaan. "itoo homaa hin beekin hin murteessin, mucaan kee kiyyas,miudhamuu isaa
kufaatiisaa hin jaalladhu, hin sobuutii mucayyoon natti tolte,mucaa kiyyas onnee buute itoon
murtee ati jettu kana fudhadhe silaa har'a olaanaa yuuniversitiitti mitii,tsabalitti deddeebifna ta'a,
Biliseenis ammoo akka ati yaaddu kanatti nama salphattuu miti,sababa isheen mana kana
dhufteefis heerumaan mitii rorroo dargaggeessaa jalaa bahuuf dawoo nu taasifatte.
BY Humna Jaalalaa
Warning: Undefined variable $i in /var/www/tg-me/post.php on line 283
Share with your friend now:
tg-me.com/humnajaalalaa/602